Monthly Archives: September 2019

用最少的products 化個靚妝 之 Benefit

我都習慣每天化妝, 但唔係full makeup, 只會造到精神爽利就ok. 因為吓吓都要趕住出門口, 時間一定要快; 另外, 就係天氣仲係好熱, 我嘅化妝理念係, less is more ~ 放得越少上面, 溶妝嘅機會就越少.

我必畫的就係:

  1. 粉底唔會用, 就咁有潤色功能嘅sunblock 就算.
  2. 會上點遮瑕在有需要位置
  3. 畫眉
  4. 畫眼線 (有時間會搽埋mascara, 冇時間就算)
  5. 胭脂 (唔單止打造氣色, 仲可以修容)
  6. 少少唇色
Left: 素顏
Right: 簡單日妝

需要的功具都好少, 就係呢幾枝

  1. 平角遮瑕掃 (用來修正眉型) (右圖放大些, 睇真d)
  2. 正常遮瑕掃 (用來遮瑕. 我覺得如要遮得完美啲, 尤其在微細位)
  3. 眉掃 (optional)
  4. 海棉朴

今次, 要用嘅化妝品到好簡單, 都係Benefit

左上: Benefit Boi-ing Cakeless Concealer

右上: 胭脂水

下: BrowStyler時尚造型眉筆

遮瑕

基本上, 我每天用具潤色功能嘅sunblock , 係冇乜遮瑕, 佢頂多為你的皮膚帶來一點健康的光澤感. 而老娘有幾粒大色斑要重點遮, 反而好彩冇乜黑眼圈.

好的遮瑕膏嘅神緒, 係遮得到而又唔會比到你厚粉嘅感覺; 要last 耐, 唔會”裂”…這對黑眼圈遮瑕尤其重要, 因好多人都會有眼紋同眼部好多表情. Benefit Boi-ing Cakeless Concealer ~ 就如佢嘅名咁, cakeless, 唔厚唔卡粉. 佢係liquid, 但令我驚喜的, 係佢有liquid 的好處 (輕盈易用, 延伸力佳); 但又有膏狀的好處 (遮瑕力強). 我本身的皮膚唔油, 我用 Boi-ing Cakeless Concealer時, 可以不用碎粉去定妝, 佢都一樣咁持久!

你不要以為, 只要塗上白一點的遮瑕就可以. 如色斑明顯的人, 你會發覺, 白色的遮瑕下, 仍會滲出灰灰黑黑的色素. 另外, 遮瑕膏, 無論你用手上或掃上, 是印上去, 不要來回捽.

而要遮得完美 (以我的膚色來計); 而這方法, 都可以照用來遮黑眼圈

  • 左: before
  • 中: 我會先用6號色 (深調), 遮蓋色斑
  • 右: 再用2號色, 印在上面, 調回跟我膚色相近的顏色

2號色, 會比我自己膚色白一度左右; 我可以用它提亮眼下的三角位, 令妝容明顯變得立體; 同時亦遮到我色素不太深的雀斑.

用海棉朴印開啲遮瑕就ok!

要畫一對靚眉, 首要是你一定要修走雜毛. 否則眉型一定不會清晰. 眉筆比較細緻, 可以勾畫眉型; 眉粉則比較鬆, 適合用來填補眉色.  BrowStyler時尚造型眉筆, 是雙頭設計: 一邊是三角形筆芯蠟筆具有超強防水功效、能勾劃眉形, 更可持久長達至18小時!另一端是輕散幼細眉粉. 一筆多用!

我本身的眉有毛, 只是不夠濃密. 其實用眉粉畫眉, 再用眉筆加強尾段的利落就好.

但如果你眉沒有毛量, 最好先用眉筆畫好眉型, 再補點眉粉去定型.

 畫眉心得

  1. 最好先不要在眉上畫個”等如=”, 再填色. 這樣, 眉型會比較生硬
  2. 一條靚眉, 要粗幼有序 (眉頭粗, 眉尾尖), 同會有深淺色 (眉頭會SOFT, 眉山到眉尾會深色啲). 所以, 你落每一筆, 最好由眉山開始. 眉山到眉頭 (逆著毛流畫, 啲色先可以落在眉毛中簡的肉上). 眉山到眉尾, 則可以順著畫.
  3. 你可以用兩隻色畫眉 (眉頭3號色, 眉尾用3.5). 你都可以用同一隻色, 如眉頭畫得太實, 不要捽, 用眉掃疏番鬆啲色則可
  4. 如眉型define 得夠靚, 可以用平角的遮瑕掃, 沾小小2號遮瑕液去改善不完美的地方.

另外用法, 就是可以眉筆, 輕輕打個鼻影! 再印番鬆啲色就ok.

胭脂同咀

Benefit胭脂水, 相信大家都會有枝, 佢係可以造胭脂, 亦可以造唇色. 而Lovetint(新色)心動胭脂水顯白及性感的色澤,比以往的胭脂水色調更鮮豔及富層次感,相對經典Benetint胭脂水更帶正紅色! 所以, 就咁搽上唇, 都已經好靚.

但搽面, 就要小心啲, 因佢顯色度好高, 同埋好快會乾, 所以你用小小, 同要快手印開 (我會比較喜歡用朴印, 會均勻啲).

如果你手殘, 又可以學我咁, mix 小小粉底 or mix 小小 benefit High Beam都可以….令佢易啲操控. 胭脂水的特色, 係好自然, 尤如皮膚滲出來的粉紅!!!

左右兩個妝的化法到係一樣; 只係左: 胭脂用 Lovetint ; 咀用 Benetint

右就對調: 咀用Lovetint; 胭脂用 Benetint

Curél 美白水凝保濕乳液

在悶熱的天氣下

有時真係好怕搽啲笠嘅嘢

晚上, 我都頂得緊

因為會開冷氣瞓

油啲, 笠啲, 都冇所謂

但早上, 就真係頂唔住

因好多時要化妝, 個底真係唔可以笠.

同埋我係一個早上會敷3分鐘水份mask 的人 + 精華控

但都需要搽點薄身的面霜好鎖好serum養份和皮膚水份

(所以, 好多人, 覺得搽完serum 就夠潤, 唔搽面霜係唔”完美”架)

近來發現Curél 美白水凝保濕乳液, 夠晒薄, 吸得快, 但又幫到我keep 住皮膚底層水份;

之後, 搽sunblock, 再上點底妝, 都唔會有負擔.

我母后, 都堪稱護膚界嘅VVIP (當年我都係十一.二歲, 就開始護膚, 都係多得佢)

ANYWAY, 母后在我家試了一次, 就成枝TAT 走咗 ~ 就知佢有料到.

同埋佢性價比好高 $235!!!

官網成份介紹:

・從植物萃取的高效美白成分「Chamomile ET」能抑制黑色素形成,有效預防並減退已形成的色斑及雀斑

・蘊含「潤浸保濕Ceramide功能成分」及桉樹精華,能深入滲透至肌膚角質層,讓肌膚回復高密度水潤狀態,感覺柔軟,同時有效抗禦外來刺激

・讓肌膚加倍透亮淨白,更可趕走因乾燥或粗糙膚質而形成的當暗啞,重拾亮澤膚色

後話:

始終, 我係半百老女人, Curél 美白水凝保濕乳液 早上用係PERFECT. 晚上, 因我開冷氣, 就唔夠 “厚”, 所以我會搽番厚身嘅CREAM.

新鮮石斛smoothie

天氣仲係好熱, 有時真係冇乜胃口

但lunch 又唔可以唔食嘢

所以, 我會飲杯水果smoothie

嗱, 我本身體質又寒又弱, 個胃又孱

所以不論中.西醫, 都吩咐我, 不可以長期飲smoothie 或菜汁

一星期兩三次, 就無妨的.

點解唔可以長期飲:

中醫: 果.菜, 都係寒. 如想減少”寒”, 可以落少少薑 或黃薑粉 一起打.

西醫: 纖維係好…..但胃弱的人, 就適當進食la, 否則對胃, 係一個負擔. 另外, 就係食固體食物時, 你要咀嚼, 產生的口水和反射動作, 都會令你消化得更好. 果汁, 粥, 都係吞, 不用咀嚼, 所以, 差小小.

我呢個人, 冇嘢叻, 對食, 都有啲研究. 弄果汁或smoothie, 有啲分享

冷壓機同強勁blender的分別

就係冷壓機, 同強勁blender (不是普通的blender, 係連魚骨都可以打碎, 羽衣甘藍都可以打到棉滑嗰啲blender)

其實, 我就冇乜所謂用邊隻牌子 (對我來說, 係睇價位)

冷壓同blender 之不同, 係冷壓會隔走啲渣; 用blender , 係食埋啲渣.

所以, 如果弄神石榴汁, 一定用冷壓….出來清甜無比. 我通常去果欄, 買一箱會來搾. 冷壓嘅好處, 係不會在搾汁果程加熱到啲個汁, 所以能保留最多營樣, 啲汁又不會水和肉汁分離.

但造smoothie, 就梗係用blender…….無論你用多 “鞋”的菜, 打出來都係滑一滑. 絕對不用隔渣.

近來開心大發現, 就係加入新鮮石斛 (我係看到 “家常例湯”的fb 介紹先識: 鮮石斛蜂蜜飲:極速降虛火 facebook.com/ymsoup/posts/713959455683653 )

靚的石斛會如圖咁, 脹bok bok 豐滿的. 圖片的source: http://img03.taobaocdn.com/bao/uploaded/i3/TB1jCdvFVXXXXaXaXXXXXXXXXXX_!!0-item_pic.jpg

石斛真係降到虛火又唔寒, 我飲咗, 下巴啲瘡都出少咗.

其實新鮮石斛冇味的, 但打爛, 會有啲膠質, 而佢層皮好硬, 所以要勁blender 先得. 如果你用冷壓機, 隔咗渣就好浪費; 正正係啲渣有藥用價值. 你去一啲賣新鮮山草藥檔或大型菜檔都揾到.

其實你落乜嘢水果蔬菜都冇所謂, 隨自己喜好. 今天, 我就用了這 yogurt (唔杰身的), 加了半隻火龍果, 1隻kiwi fruit, 幾條石斛, 水同小小蜂蜜 (我不喜歡薑味, 所以冇落薑僻寒). 好飲又飽肚!