Monthly Archives: August 2019

雪花秀滋陰生人參系列新成員 – 滋陰生人參煥顏眼膜

護膚品,

我本人好喜歡有人參成份的護膚品; 最明顯的係可以令我的皮膚煥然一新, 好透亮 (尤其去細紋和暗瘡印, 係我不二之選). 而韓國, 盛產人參, 所以,我對他們具人參成份的護膚品, 份外信瀨.

而雪花秀傳承創辦人徐成煥先生對人參抱持的熱情，50年來致力對人參作深入研究，精心鑽研人參各部份的抗衰老療癒功效，提煉出煥活肌膚的珍貴人參成份。所以, 我差不多買晒佢哋嘅滋陰生人參系列. 啱啱, 仲出埋滋陰生人參煥顏眼膜. 就讓我同大家分嚮吓我的用家心得 (由我開始買的第一瓶說起)

First Care Activating Serum EX

佢係很不錯的肌底液; 肌底液, 係打開你皮膚的吸收管道, 令你之後搽的skincare 效果, 更特出. 不過, 你如只搽佢, 乜都唔搽, 你唔會覺得有什麼特別. 我大大話話, 都用咗3枝了.

Essential Firming Cream EX

早前去韓國, 朋友托我幫佢買的. 因為佢媽媽長期用 (搽埋頸), 真係冇乜皺紋. 咁, 一如我購物宗旨, 朋友叫得買, 一定係好嘢, 所以我都入咗. 一用, 真係好潤好滑, 我冬天嗰時, 仲會特登用多啲, 當MASSAGE CREAM 咁, 按面.

但夏天呢, 晚上開冷氣, 用就OK. 如早上用就太RICH.

Concentrated Ginseng Renewing Facial Oil

這又是朋友托我買(參籽油), 我又入埋嘅產品. 朋友說, 她的皮膚乾爆, 冬天用咗佢, 就乜事都冇了.

本來, 我夏天停用 (基本上, 我夏天唔係常常用油; 我唔係怕笠, 我只係覺得冇需要). 後來同BA 說起, 原來搽First Care Activating Serum EX

時, PUMP 兩滴Concentrated Ginseng Renewing Facial Oil 混合好才搽上面, 係吸得好快….好爽的. 所以, 我這個夏天, 都開始用埋佢. (如果你搽咗First Care Activating Serum EX, 先搽佢, 就會有油油的感覺)

Concentrated Ginseng Renewing Eye Cream EX

萃取自紅參根及人參花的珍貴精髓，能強健眼周肌膚彈性，撫平皺紋. 佢唔笠的, 唔駛怕會出粒粒. 之後化妝都冇問題. (有啲EYE CREAM, 如果夏天早上用, 化眼妝時, 會好難LOCK 實啲色, 會令眼妝好快化開)

Concentrated Ginseng Renewing Eye Serum Mask

Last but not least, 係啱啱出嘅眼膜. 不是水滴滴嗰啲, 係有啲似gel 狀, 好貼面的mask. 你用完, 會發覺個mask 會縮咗水. 即係啲精華已注入你的皮膚.

如果你有心機, 可以先mix 幾滴Concentrated Ginseng Renewing Facial Oil落First Care Activating Serum EX. 搽勻再按吓面 (你fancy 啲, 可以買埋佢哋嘅白玉按摩器按); 之後才敷眼mask. 效果會更明顯.

這眼mask 不用冲洗的, 你敷完就搽埋眼霜就可以.

性價比高的Biore防曬產品

護膚品, , , ,

對我來說, 防曬真的很重要; 無論陰睛, 我一年360天, 一定上防曬. 好多朋友, 都有買一啲名貴防曬, 幾百一枝…..但又因為貴, 所以慳住用 ~ 其實用的份量太少, 又或者買一枝, 用幾年….都係會令防曬效果大打折扣. 所以, 倒不如, 你買枝性價比高的, 好好地用.

我本身, 都有貴價的, 又有平價的. 貴價的分別, 可能在於護膚成份更矜貴. 但發覺, 如只講防曬這功能, 平價的產品同貴價的一樣強 ~ 都冇令我曬傷.

因為我窮, 如果當天我係造戶外活動多, 又或者只係在家冇function, 我都係用性價比高的. Biore係我近年性價比最高的心水….因為佢乜嘢TEXTURE 都有, 總有一款啱你用.

有啲人話, 我唔介意曬黑啲, 唔駛搽la

你估UV 只會令你變黑咩? 你知唔知UV會令你皮膚的骨膠原流失, 即係你啲皮膚會變鬆變皺…..你介唔介意變老?

仲有, 空氣有好多污染物, 都會令你的皮膚加快衰老. 很多SUNBLOCK 都有抗污染成份, 能為你提供保護.

搽防曬是要補的; 但化咗妝, 點補呀?

你早上搽完, 就算化咗妝去返工. 你都可以補到防曬架. 你可以用spray on 的防曬, 又或者用有防曬功能的碎粉或粉餅.

Biore UV Spray SPF50+ PA++++

其實spray on 仲有1個好處, 就係可以噴埋頭髮. 可知道頭髮都需要防曬架, 唔係會令髮絲的水份和蛋白質流失, 頭髮變得又乾又黃又易斷.

我最怕防曬好笠, 所以搽小小算la

這是因為你未揾到啱你feel 的防曬. 現在防曬產品有好多種TEXTURE: 水感, 乾爽控油, 滋潤; 有防水, 亦有防汗防磨擦. 而防曬, 本身亦出到有妝感 (潤色功能, 可以係BASE 或FOUNDATION)和無妝感 (普通防曬).

Biore UV Oil Control Base UV SPF50+ PA++++

因為之後要上粉底, 在夏天, 我就prefer 比較清爽的UV base

同埋, 揀啱你喜歡的質感後, 就要搽上適當的份量. 搽得太少, 是沒效用的.

好多BB 霜, 係有不錯的防曬同時有妝感. 但有時, 夏天用會覺得好笠. 這時候, 就可以用水感FEEL SPF相近的防曬產品同佢混合, 可以減輕厚重感, 但又唔會減弱防曬度.

這兩款有色的防曬: Allie Extra UV BB Gel SPF50+ PA++++ , NARS Vevet Matte Skin Tint SPF30, 我覺得單用比較笠 (NARS 的笠, 比ALLIE 輕, 我估一般人都可以接受單用, 係我自己picky 啲). 所以我習慣用Biore Aqua Rich 同佢哋mix

Biore Watery Gel SPF50+ PA++++ Aqua rich. 這是我於biore系列中最愛. 因為我皮膚偏乾, 就咁用oil control 的sunblock 會覺得乾. 但這水感得嚟又輕身, 就好啱我. 用佢嚟mix 笠身產品就啱啱好. 粉紅色係上年的limited edition包裝, 今年係藍色的.

仲要留意, 開咗的防曬, 是有保鮮期的, 半年至1年不等, 你最好看看說明. 否則功效打折扣哦.

如我只搽上沒妝感的防曬, 我需要落妝嗎?

需要. 尤其你用的防曬, 具防水防汗功能, 你更需要. 其實我本人, 都主張, 每位女士, 就算沒有化妝, 每天晚上, 起碼都用溫和的落妝水去抹掉, 貼在面水的油脂和污染物的.

呢枝Biore UV Athlizm skin protect essence SPF50+ PA++++ 防水防汗防磨擦, 但又唔厚重的. 所以造戶外運動時好啱用. 我去清邁嗰時, 全靠佢.

自制有妝感的SUNBLOCK

好簡單, 只要滴小小粉底液在水感FEEL 的sunblock, 混合即可. 但你要記得, 這動作會令防曬功能打折扣, 所以只建議你在室內活動多的日子先咁造. 如要戶外活動, 你一係先用高防曬的產品打底, 再上粉底; 又或者, 用具高防曬度數的粉底.

DermaWand 用後1個月報告

護膚品

我都算係好不得了, 真係連續用了一個月la

25日 都係早晚各3分鐘

5日 就得承認我懶, 只係早或晚造過1次

你唔一定要搽佢嘅產品

只需要搽晒你用開嘅skincare (如早上, 搽防曬前)

用佢look 就可以.

好處:

  • 係覺得塊面lift up 咗, 緊緻咗
  • jaw line 係明顯啲 (不過眼袋冇乜feel)
  • 眼下的細紋都有改善
  • 因我係睡前look的, 第2朝, 起身冇咁浮屍樣

唔係我個人認為架….話說, 大家都知我係定期去打hifu 修lower face. 係醫生造. 以前, 差不多3-4個月要去一次……今次, 醫生叫我起碼半年後才有需要去. 老實講, 我會keep 住造醫生主理的hifu……..係人嘅都知, 醫生主理, 啲效果勁好多 (要我話dermaward $850 的機, 拍得住醫生幾百萬的機……咁大個大話, 我講唔出). 但造咗醫生機, 用dermaward 去keep, 就very good.

傳說的其他效果:

水份提升, 光澤感, 收毛孔, 改善深紋 ~ sorry, 我暫時未感覺到. 有blogger 話會美白…….我亦唔覺la

壞處:

我係覺得佢激活咗我嘅皮膚 (可能新陳代謝快咗)…….所以, 有兩個effect:

  • 會出暗瘡….出在我平常不會出的位, 如眉心, jaw line. 但好快有濃頭的, 一git 就清 . 好在冇出石頭瘡.
  • 我條頸嘅皮膚, 本身好易敏感, 尤其對汗. 以前要好熱, 出好多汗, 噏幾小時, 就會敏感 (會發紅, 有啲痕同時又有小小”吉”). 現在, 只要出去跑個步, 1-2小時, 就會敏感, 冲走啲汗, 都要過幾小時才settle down. 不過, 平時, 就冇事的.

 PS, 我坐HKEXPRESS嗰時買, 有PROMOTION $850. 如MARKET PRICE, 就$11XX.

以下, 係我早前, 用了10天後寫的分享:

用了DermaWand 10天, 先報告吓

仍是新玩具, 仍有熱誠, 所以我每天, 仍維持早晚各3分鐘

 暫時未覺得佢煩

 朋友教我, 開到最大火力, 貼面造

 其實, 只要你貼面造, 冇乜感覺

 如果你離開1cm, 就會幾”吉”架 (無需要咁造)

用頭幾日, 冇乜特別feel

慢慢, 係覺得摸落面啲肌肉, 好似冇咁鬆 (好輕微, 我都驚係心理作用)

但再慢慢, 覺得jaw line 係firm 咗 (呢個應該唔係幻覺)

這幾天又爆了粒暗瘡在下巴

 清咗膿, 用佢look (我總覺得佢有啲似暗瘡機)

又真係冇翻發, 啲炎好快退

 不過, 去印方面就冇乜feel

這期, 皮膚狀況好咗, 係因為用完Elizabeth Arden 隻Prevage Progressive Renewal Treatment

不過, 好似DermaWand 令我keep 到個態!

註: 我冇搽粉底, 只係用有潤色功能的sun block

骨膠原丸同美白丸(用後感)

護膚品, ,

世上產品何其多, 唔試唔知龍定鳳

話說, 坊間好多報告, 都話口服骨膠原冇用

最終都係比你自然排走,

而幾多會落到你塊面, 冇人知

我又真係要承認, 骨膠原冇”定位”智能

所以, 幾多去到面, 真係唔知

而我都食過好幾隻骨膠原, 唔係隻隻得

有啲食完, 乜feel 都冇

但work 嗰啲, 我係feel 到成身都滑啲, 關節位又好啲

而早前介紹的一木美肌胎盤素 (放心, 冇荷爾蒙的)

係works for me

反而, 右手, 在日本買的Asahi骨膠原粉

對我就冇乜料到…..已食咗一整包, 仲有一包要食埋佢

但好在佢冇色冇味, 又有纖維, 開coffee 時, 落一羹…..

另一個要share, 係美白丸

這兩款, 我都有食, 都work:

  • 一木防曬美白丸 (名叫防曬ja, 你每天都要塗sunblock 架….唔係食咗佢唔駛搽ka)
  • Transino WhiteC Clear (早前在blog 已介紹咗)

食咗佢地, 我又唔係好覺本身已長出來的色斑淺色咗好多

但每次曬完, 我係唔多變黑的. 同埋啲色斑都冇乜深到.

但係, 唔知係咪我心理作用 ~ 見到一木防曬美白丸有薏米精華 ~ 總覺得近來嘅水腫情況有改善.

la, 一木防曬美白丸冇話佢嘅薏米精華係for 去水腫, quote from 佢哋官方介紹: 嚴選老撾薏米，再以日本嶄新的技術，將薏米精華濃縮15倍添加至防曬美白丸當中。薏米有美白、抗曬、嫩膚的功效，亦有助排走體內黑色素及廢物，改善肌膚乾燥狀態。

所以, 我先帶頭盔, 唔排除係咪自己心理作用. 但起碼, 最了解我體型, 同我train 咗8-9年的私人健身教練, 都話我啲水腫問題, 有改善.

又不過, 中醫話, 薏米有啲涼, 對於我嘅體質, 不能常吃. 所以, 小心為上, 我會一木美白, 同Transino 隔住食.


ps, 如果你想試一木, 萬寧有. 但如果你食過, 有feel, 想大手入(可以同朋友share), 去KONWAY 網上訂, 最抵: https://www.konwayshop.com/ICHIKI,%20一木研究所

我上次我一口起買了20盒, 就造了vip. 早排, 忽然仲送了我一盒美白丸.