Category Archives: 品牌workshop

Lunasol 2017 Spring Makeup ~ 暘空淨化

化妝產品, 品牌workshop, , , , , ,

今季, 粉嫩色系. bling bling. 顏色柔和會是化妝品的主要趨勢. 跟冬天的暗紅, 深啡tone 又是很大的對比.

 向來日系的化妝, 都主張似有還無的感覺….主要帶出女性的柔美, 但又不會太造作. LUNASOL 2017 春季的化妝靈感, 就嚟自雨後彩紅….柔柔的色彩畫過天際的感覺. 雖然顏色豐富, 但感覺上絕對輕柔, 不用擔心自己變成七彩蝦條.

 

去到PRESS CON, 覺得最好玩嘅, 係 LUNASOL Sheer Aqua Stick Eyes ~ 但看包裝, 我以為係”變色唇膏” (韓國早前出了很多古怪色, 如藍色, 綠色….但搽上咀會變成粉紅色)….但佢哋真係眼影嚟架. 質哋好爽的, 就咁搽再BLEND 勻啲就OK; 試上手, 啲色可以好實…..但正確用法, 係你搽咗上眼後, 要用手指推鬆佢….顏色若隱若現夾集了一點BLING BLING (如要很BLING, 那盒裝眼影的BLING 度會高很多).

 

手右方是Shiny Pencil eyeliner. 左方是Sheer Aqua Stick Eyes

LUNASOL 早幾季都有出不同色調的mascara, 這次都有3隻新色. 而pencil eyeliner 就有別黑.啡的主流, 出了紫, 綠和藍. 啲筆嘅顯色度很好, 超級lasting (但你要記得, 要比小小時間佢變乾. 只要乾咗, 就好lasting). 但跟BA 不約而同都覺得, 最好先用黑色眼線筆畫條很幼的線, 再在上面加這些有色的pencil eyeliner…這樣, 就算用顏色pencil eyeliner可以同時造到眼大有神. 我覺得, 如只用顏色pencil eyeliner, 放大眼睛的效果沒有一般黑.啡色的pencil eyeliner 咁有效. 但用顏色pencil eyeliner 帶給你的型格感, 又係一般黑.啡色的pencil eyeliner比唔到的. 兩者併用, 就盡得兩者所長.

 

在場, 我看見有editor 試nail color….LUNASOL 這次有5隻色, 都係粉嫩色. 我又八八掛掛就去睇….我個人覺得, 如只搽一色….冇乜咁特別. 但你5隻色搽晒, 就好靚….啲色好MATCH, 出嚟嘅感覺真係好 “彩虹”.

 

而LUNASOL AQUA CHEEKS 有兩隻色…質感清爽, 你用棒棒點啲色上面, 再用手指印勻就OK. 顏色好剔透. 我覺得就咁用的感覺, 就如皮膚透出來的好氣色. 如在上再加普通胭脂, 胭脂的色調就會明顯啲, 有助修容

 左: 只上了LUNASOL AQUA CHEEKS. 我會先印在眼下的位置, 再向權骨位推開. 最後, 用殘餘在手指的顏色印在鼻樑上 (這就會造到, 很像自己滲出來的好氣色)

右: 在髮線到權骨位掃開….這有點造shading 的效果; 令胭脂更有層次感

 

眼影 Colorful Sky Eyes 有4款, 我覺得顏色的顯色度不是很高, 主要係sell 似有還無的感覺…bling bling 才是主角. 一盒5色. 左上兩色係main color (1, 1A), 配合右下的shade color (4) 可以造層次. 右上的 light color (2) 則可以成個眼蓋用; 左下的nuance color (3) 則可以畫眼頭. 不過, 我又覺得, 沒有絕對法則應該怎用. 你大可以按你喜歡, 自由配答.

     

看看試在手上, 如沒又落sheer aqua stick eyes打底, 啲眼影色不太明顯, 只見到bling bling.

 

左上: 只上眼影, 在日光下拍攝

右上: 只上眼影, 用閃光燈拍攝

左下: 用sheer aqua stick eyes + 眼影, 在日光下拍攝

右下: 用sheer aqua stick eyes + 眼影, 用閃光燈拍攝

 

大會化妝師DEMO 的妝容, 原全走自然風的.

我用以下產品自己化:

  1. Coloring Sheer Cheeks (Glow) EX01 Hot Pink
  2. Colorful Sky Eyes 01 Yellow Lilac
  3. Aqua Coloring mascara Ex01 Plum Pink
  4. Sheer Aqua Stick Eyes Ex01 Lavender
  5. Sheer Aqua Stick Lips 01 Fresh Orange
  6. Shiny Pencil eyeliner EX05 Gape

 

 

妝1

  1. 先用黑色眼線筆畫一條好幼, 貼住睫毛的眼線
  2. 用Shiny Pencil eyeliner EX05 Gape壓在黑色眼線上
  3. 用Sheer Aqua Stick Eyes Ex01 Lavender 畫在眼蓋, 再將顏色印開. 再畫小小在眼頭.
  4. 用Aqua Coloring mascara Ex01 Plum Pink 的深紫色部份搽上.下睫毛. 再用粉紅色部份搽在眼尾
  5. 胭脂用 Aqua Cheeks Ex02 Sheer Orange
  6. 唇色用Sheer Aqua Stick Lips 01 Fresh Orange

 

 

妝2

用妝1為基礎, 加上Colorful Sky Eyes 01 Yellow Lilac. 左上的粉藍色畫在雙眼皮位. 再用右上bling bling 色搽在眼蓋. 下眼尾加點左下的深紫色. 這樣妝感會隆重一點.

RMK 2017 Spring – Summer Collection

化妝產品, 品牌workshop, , , ,

粉紅係好多女仔大愛嘅顏色. 這季RMK 的新化妝產品名為Color Change ~ 對我來說…粉紅…全都是粉紅….眼影.唇膏.胭脂.都有粉紅的原素.

        

雖則粉紅係好得人喜歡, 但有眼腫問題的人, 總會敬而遠之….帶紅的色調, 會令浮腫問題加重. RMK 有見及此, 雖然6隻新款眼影, 都帶粉紅色, 但令一格會是啡TONE. 你可以兩者混合使用去減低 “紅”的至命原素. 而就算粉紅色本身, 都加入了一點藍色; 這也會有效減低眼腫的感覺.

 

無論眼妝到胭脂, 都係CREAM TO POWDER 的質感. 相屬BA 就教我, 用手印上去, 顏色會更貼更自然. 而眼影本身都造得很幼滑, 就算你不上EYE BASE, 都可以貼服到不得了. 我試過:

圖上: 在日光下拍攝

圖下: 用閃光燈

A. 冇搽eye base, 用盒裡的棉棒上, 顏色已夠出

B. 冇搽eye base, 用手指上, 顏色會比較鬆一點

C. 搽eye base, 用手指上. 顏色好實. 相對BLING BLING 減少

 

3種玩法, 我個人覺得唔用EYE BASE 靚啲. 可以先用手指沾上眼影搽眼蓋 (大範圍); 再用盒裡的棉棒上重點位 (如眼頭或眼尾)

 

發報會當天, BA 給我化了一個粉紅色比較重的眼妝. 她先在眼蓋位印上淡淡的啡色, 之後再印上粉紅色. 粉紅色眼影的閃片比較出, 在閃光燈下就看到帶藍色的閃片, 很美.

 

唇色有LIP GLOSS 同唇膏. 大家都會有不同的粉紅和啡色供選擇. Lip Gloss 的話有4款; 都是雙頭的: 一邊是啡調的jelly gloss和另一邊是粉紅調的color gloss. 唇膏的話, 啡調的有4色, 混和大小不同的珠澤. 而粉紅調的就有3色, 顏色比較啞緻.

 

PRESS KIT內有:

  1. 03 Face Pop W Stick Gloss
  2. 02 Rose Pink Face Pop Matte Lips
  3. 03 Strawberry Pink Face Pop Creamy Cheek
  4. 03 Red Brown Beige Face Pop Eyes

  

因之前BA 給我搽了以粉紅為主調的眼妝; 所以這天我會用同一盒眼影, 但以啡調為主. 主要將啡色印在眼蓋, 只在眼頭位上一點粉紅色. 反而胭脂, 我就改用 “大戲妝”的化法. 在貼近下眼位開始搽, 將胭脂色往髮綫位散開. 另外, 我想減少一點 “甜美”感, 所以眉會畫得深色一點.

 

 左: 化完只上了粉紅調的LIP GLOSS

右: 同一個妝, 但在咀唇中央印上粉紅色唇膏, 感覺又會不一樣

 

再看看兩個眼妝的分別

 

左: 以粉紅為主調

右: 以啡色為主調

 

後話

化到眼妝, 我又不得不讚一讚, RMK BA 的夾眼睫毛的功力都一流….搽埋mascara, 都自己都暗自讚嘆 ~ 尤如帶了假睫毛一樣. 原來一般人夾睫毛時, 會向上夾; 而RMK 的竅門就是往下夾….當然你自己的睫毛不可以太短. 就是這 “往下夾”的原理, 睫毛根位的弧度就會跑出來.

Three ~ Every Color You Are

化妝產品, 品牌workshop, , , , , ,

雖然Three今年才引入香港, 但愛美的人, 應當一早聽過佢….尤其會刨日本美容雜誌的人, 就一定知, 佢在日本很受歡迎. 當年, 先係佢嘅skincare吸引我, 因我喜歡佢哋的精油味, 質地亦很溫和. 後來有同學買來Three 的眼影粉….哇, 真係好靚….質地幼細, 閃亮迷人….自此, 佢嘅產品, 係我去日本的必買品.

 

兩年前去日本, 買咗three 這盒兩色眼影膏 ~ 已覺得好amazing (都係可以造到eye shadow, base, highlight ). 上次去日本, 就買咗這枝liquid eye shadow, 質地都很幼滑, 我好喜歡.

           

早前, 去了他們的發報會, 看看2017年1月會開售的新產品. 眼影粉, lip gloss, 胭脂和甲油都應有盡有….

但最令我驚喜的, 係佢哋嘅Eye dimensional quad palette ~ 一個4色膏狀的眼影盒, 一盒多用 ~ 居然將我以前買嗰兩個產品功能合一….用途就更廣:

 

A:  eye base

B: * 可以打亮眼頭

  • 搽完眼影後, 可印在眼蓋上, 增添閃爍感

  • 亦可以當面部highlight 使用

C+D: * 可造出帶層次感覺的眼影

  • 可以畫眉

C: 可以造面部shading

D: 可以當眼線

 

 

雖說是膏狀產品, 但不油膩的, 很快乾, 之後就變得爽爽的. 所以, 就算你之後唔加粉狀眼影上去, 都ok 的. 亦因為佢唔油膩, 所以, 如果你想用作highlight or shading 時, 就算上了碎粉後都可以用; 所以相當方便.

 

我個人試用後, 就有以下感覺:

  • 如只用quad palette 嚟造眼影, 而又想造出有層次的眼妝, 你一定要識得如何blend 開眼影. 但現在興簡單的眼妝, 如果你眼型亦不需要特別調整, 我覺得用A打底, 再上眼影又得.  或就咁上B 有點BLING BLING, 什是精靈.
  • 如用quad palette 嚟畫眉, 最好先修吓眉. 如眉毛太雜亂, 眉型鬆散又或者要改眉型, 也許用眉筆會容易一點. 但如果你的眉型ok, 只係色差小小, 而毛流又只係差小小; 咁用quad palette 就可以好快為你修正
  • 如用嚟畫眼線, 都係可以的; 但效果是柔和那種感覺. 如要畫貓眼線, 佢就未夠強.

 

本季的Shimmering Color Veil Statement (眼影粉)就有15隻新色. Three的眼影粉向來都係心頭好, 佢粉質細滑, 不易掉粉, 閃片造得很細緻, 光澤度夠但效果柔和. 係一隻易用, 親和力強的產品. 而15隻色當中, 以下5色係我最喜歡的. BA說, 雖則用手指印上去都OK, 但最好先倒一點出來, 才用手指印上眼蓋; 否則手指的濕氣會影響產品的質量. 所以, 用掃上亦是good idea.

 

胭脂好話我一直都有買 ~ Three 的胭脂一般都唔帶閃片的, 但顏色剔透, 可以特出本身皮膚的光彩. 本季出的兩色, 看似很濃艷, 但只要用鬆身的胭脂掃輕輕抹上, 感覺就如本身透出的好氣色.

一直都有幫襯THREE 的胭脂, 主要喜歡佢啲色柔和, 但持久力貼服度都好. 我有好幾隻, 但最喜歡的係 ~ Love Kick (一隻磚紅色). 記得佢一出, 在日本好快賣斷貨; 咁啱, 我當時間就响日本, 只係好奇走去8吓, 乜料咁搶手……當時我看見都嚇一嚇…乜有人用啲咁嘅色架咩?! 但原來搽上面, 係另一回事. 所以, 就算我當時在日本買不到, 回來後, 都要托朋友去買回來. 這季出的14 Beat of her heart, 一看, 都同love kick 好似, 但佢比較桃紅….但咪比佢啲色嚇到, 搽上面都係好自然的.

 

小不免用所有新產品化個妝:

 

妝1: 用quad palette 畫眉, 型造有層次眼妝; 亦用嚟打HIGHLIGHT N SHADING和畫眼線. 再用FX31 眼影粉和13號胭脂. (妝感都係自然風)

 

妝2: 用quad palette 畫眉, 當EYE BASE, 打HIGHLIGHT N SHADING. 再用FX31 眼影粉和13號胭脂. (單色眼妝, 但配了用GEL EYELINER 畫出來, 比較深色和拉長眼型的眼線)

 

妝3: 其實用妝2為基礎, 只加多一點胭脂和塗上深色一點的唇膏, 感覺又不一樣

 

最後就係甲油, 就真係咁多次去日本都冇買過….雖則每次看日本雜誌, 只要three 一出甲油, 都必成大熱. 但我自己不常塗甲油, 所以都留番啲資源買其他. 今次press kit 內, 就有一枝灰色甲油, 只塗兩層, 顏色非常飽滿, 不再塗top coat, 都夠亮澤, 而且都幾快乾. 今季出的7色, 每色都唔多唔少帶點灰調, 幾靚架. 而甲油不含甲苯, 甲醛和DBP塑化劑; 並加入5種植物油, 美甲護甲同步進行.

 

 

Guerlaine小黑裙濃香氛與彩妝

化妝產品, 品牌workshop, , , , , ,

對於Guerlaine的彩妝用品和護膚品, 我話曬都真金白銀用咗10年….以往的blog 都有介紹. 佢嘅眼影的大地色造得特別靚, 而粉底和碎粉亦極為細緻, 所以成為我化妝箱內的必需品. 而skincare 方面, 我就試咗幾條line 後, 發覺orchidee 最啱我…係貴咗啲…但值得的.

guerlain_aug16_01a

反而, 他們家的香水, 我就未用過. 我自己不常用香水, 只會在有function 時才用. 而花果味, 偏甜的香氣都係我杯茶. 反而濃烈有性格的, 我自覺carry唔到．原來GUERLAINE 每年都有一款濃香氛推出, 今年的灰藍調的濃香氛, 帶著棉花糖的甜, 還有VANILLA 同Bulgarian rose……味道輕輕的, 甜甜的, 感覺幾舒服.

 

如果你喜歡薄透的粉底, Lingerie de peau 你應該不會陌生. 話到明像內衣般貼服和舒適, 不會令你皮膚有負擔. 新formula不但更貼服, 還分了3種色調: 冷色 (共2色), 自然 (共4色)和暖色 (共2色). 總共8色供選擇. 我自己選foundation, 偏愛自然一點; 況且面比較闊, 不適合太白. 所以每次選粉底, 我會選比自己膚色略深1度的產品, 推薄後, 感覺就會啱啱好. 所以, 我選自然系, 最深色的03N.

guerlain_aug16_01c

Lingerie de peau 的遮瑕力不強, 但絕對夠力去達到均勻膚色的. 如你有黑眼圈和色斑, 還是要用遮瑕; 這才能達到一個完美底妝 (我向來不太喜歡用厚粉底去造埋遮瑕, 總覺得TOTAL LOOK 會太厚粉). Multi-Prefecting Concealer都係分冷, 自然和暖 3系, 共3色. 佢質地比Lingerie de peau 實啲, 但很易推開. 所以連眼位都可以用, 又不會卡粉.

 

而本季眼影有6色, 大多都係大地色調….個盒身設計亦輕好多 (以前銀色盒係好靚, 但係好重). 原來色系設計, 係方便你帶一盒出trip: 早上化淡妝, 晚上轉個濃妝, 都係一盒搞掂.

 

guerlain_aug16_01bguerlain_aug16_03

一盒有5色,

1: base = 用於眼蓋或眉弓都得

2-3: nude = 早上化淡妝, 可以先用2搽眼蓋. 3造層次

4-5: smokey = 晚上轉smokey eyes 用又得. 單用5去blend 開眼線又得.

 

我嗰盒係03色. smokey 色係深啡同麥綠, 我覺得用佢輕輕掃吓條眉 (真係要好輕) 都ok.

guerlain_aug16_02

Left: Day makeup

Right: Evening makeup

我就係用1-3 化了個日妝.

guerlain_aug16_02a

 

晚妝, 我就在畫好的日妝上, 先拉長啲條眼線; 再在眼線位開始, 用4-5 blend 個smokey eyes 出嚟.

guerlain_aug16_02b

Guerlain 這枝007 Black Perfecto 唇膏, 看起來係黑色, 但搽上手會係好透的紫紅色. 這枝唇膏會按你本身咀唇的狀況, 會有不同效果. 如你早上用淺色的唇膏, 晚上加上007 的話, 個色會深一點.

guerlain_aug16_01

guerlain_aug16_02

 

Lunasol 2016 Autumn Makeup Collection

化妝產品, 品牌workshop, , , , , ,

以為夏季仲未完, 原來已立秋了. LUNASOL 亦推出了秋季的COLLECTION ~主題係羽柔淨化….代表妝容會似羽毛般輕柔, 但亦滲著一絲剛強的味道. 眼妝主打係SOFT SMOKEY….可以深邃亦可以柔和…..單看一盒眼影會由8隻色組成, 你就知道層次感可以幾豐富

Lunasol_Aug16_01 Lunasol_Aug16_01a

LUNASOL Feathery Smokey Eyes 有4set…日席化妝師給我們介紹時, 都特別提到, 本季會流行灰調, 所以4盒眼影都會帶灰的. 佢亦特別提到, 眉方面, 可以畫得深一點, 帶出剛強味.

Lunasol_Aug16_03a

其實這盒眼影不難用, 最主要:

  1. 用A搽眼蓋
  2. 再用D (可以3色混合用, 或只用其中一色), 造眼尾聚位; 亦可以造眼窩位
  3. 用C (可以3色混合用, 或只用其中一色) 畫在眼線位
  4. 最後用B畫眼頭

 

我在發報會時, BA 給我用04 Smokey Violet 化的眼影, 是很輕柔的. C 和D, 她是3色混合用.

Lunasol_Aug16_03c

回家, 我試用了 01 Smokey Beige, C 跟D 都是用左手最深那格, 所以出來的效果會深邃很多.

Lunasol_Aug16_03

如果你都係喜歡似有還無的眼妝, 你可以選用 LUNASOL Feathery Nuance Eyes ~ 有兩sets可供選擇. 化出嚟, 你唔會見到好多色, 但你會睇得見雙眼明亮有神. 啱晒化妝初哥或喜歡淡妝的你. 我用的是 02 natural beige, 左手實色的淺啡, 亦可以用嚟補吓眉頭 + 造鼻影都ok 架.

Lunasol_Aug16_02a

Lunasol_Aug16_02

而眼影的質量都造得很細緻, 雖然都保留了一點bling, 偏啞緻的感覺會多一點. 由於顏色都比較溫和, 所以唔會好難handle.

 

除咗眼影, 我覺得成個新系, 仲有幾款新產品我幾喜歡的

 

LUNASOL Coloring Sheer Cheeks

Lunasol_Aug16_01c

今季都有特別出了highlight 同shading 的粉餅…但我想不到07 natural orange 的胭脂都可以造出激自然的shading. 因佢係橙的嚟, 帶點啡….我會由髮線往咀角方向掃. 當中, 越近髮線顏色越深….一盒就可以打造出好輪廓. 如你去旅行, 要將化妝品盡量精簡, 這盒胭脂會啱你.

LUNASOL Sheer Light Loose Foundation

Lunasol_Aug16_01d

以往LUNASOL 都數係出透明感高的碎粉. 這次出的LUNASOL Sheer Light Loose Foundation 則係碎粉和粉餅的混合體. 會有2色供選擇, 佢可以像碎粉咁帶出柔焦效果, 但又會似粉餅咁, 有高一點的遮瑕力.

 

LUNASOL Glowing Day Stick

Lunasol_Aug16_01b

這枝highlight stick, 可用於濕粉後又得, 搽好碎粉上又得; 視乎你想要深麼感覺. 多數光影都會利用白, 銀, 金之類的底色去提亮膚色. 但佢係透明的, 出來的感覺係比較水光感的.

 

LUNASOL Nail Finish N

Lunasol_Aug16_04

特別之處, 係所有甲油都係啞色的….同埋超快乾.

 

為保持啞色, 所以你搽咗之後, 係唔駛上top coat. 但出乎我意料, 佢又幾㩒喎….造完家務都冇乜花. 唯獨, 你本身的甲面要夠平滑, 先上得靚. 如你甲本身有好多坑紋, 也許啞色的產本唔啱你用.