Category Archives: 我的婚禮

我的婚禮 ~ 前篇

造咗咁耐化妝師, 出席過無數的婚禮, 好多朋友仔都好想知, 我會如何酬備自己的婚禮….一定會精心策劃? 充滿點子和驚喜? 咁你哋就錯la.

 

不是我不著緊, 只是我看得太多, 真的沒有什麼可以激發我的熱心. 另外, 就是我是一個極度怕煩的人, 我父母都不想太複雜 (老爸什至說不用斟茶 ~ 這我倒是堅持要的), 男友亦支持我簡單的搞……即係, 新人, 長老們都ok, 就ok la.

 

我們都希望big day 當天, 大家來吃個飯 (餸一定要好食, 但門面不會舖張), 不會換太多造型, 大家多啲時間傾吓計, 影多幾張相, relax 啲就好.

 

所以有些事, 會省掉

  • 我只會穿1褂, 1婚紗, 一晚裝. 男友就一套禮服only
  • 我會自己化妝 (我不相信 “自己同自己化妝會不好命”的 “傳說”). Set 頭就交比我partner 幫手….可以的話, 我一個, 最多兩個髮型就算. 總之我要的是精簡, 不是百變. 情願花多啲時間, 招呼賓客
  • 儀式上, 只會有斟茶和律師見證.
  • 不會有上頭, 玩新郎, 回門, 才藝表演, 兒時片段和朝拍晚播 (這長老們都同意)
  • 場地只會盡量簡單的佈置一吓
  • 會請朋友幫手, 但不會有姐妹+兄弟團. 不會有dress code, 只要大家覺得舒服, 著乜嚟都冇問題

 

我個theme 就係隨意, 大家開心, 準時開飯, 食得滿意.

 

當然, 離婚期仲有大半年, 好多嘢會變動. 總之, 只要長老們歡喜, 而我跟男友都會盡造. 其他事, 就只要我跟他有共識就得la.

 

世界上, 千千萬萬的人中, 可以互相找到對方, 由認識, 到交往, 到決定結婚, 需要多少的緣份呢! 而這個人, 很愛惜你, 你亦很愛惜他, 那已是上天給你很大的福氣. 婚禮, 雖然是一生人一次, 但當上天已待你很不錯時, 就不要為婚禮的事太過執著….輕輕鬆鬆就好la……希望他日回望, 我會覺得, 所有事都是開心的, 而不是忙到一頭煙 + 迷茫; 更不值得為瑣事爭吵, 平心靜氣地去講清楚, 多點企在對方的角度去想.

 所以, 我才不要為太多儀式上嘅事煩惱, 少啲壓力, 多啲開心.

 

palauweh_01