Category Archives: 頭髮護理

Salon De Pro

其實這品牌唔新, 而且時時睇到佢嘅廣告….但我一直冇幫襯.

我都要定期染吓髮, 一來唔喜歡髮根跟髮尾唔同色; 2來, 就真係老la, 開始有白頭髮…雖然白髮唔多, 但總是出在天靈蓋, 一枝枝白色天綫咁樹起身….非常討厭.

但上年, 我為結婚嗰劑啲髮色靚, 所以停用所有chemical 的染髮劑, 只用hana ~ 咁當婚期近去stylist 度染, 效果會好啲. 其實hana 都好, 不傷頭髮, 而我用嗰隻嘅效果都好lasting, 顏色又得 (之前blog 有介紹: http://www.tastyling.com/?p=8423 )….但上色嗰時, 同冲洗過程, 都有啲麻煩. 另外, 就係整完之後, 有好幾天, 洗頭都會甩色….

之前, 我都有用chemical 染 叫beauty labo ( http://www.tastyling.com/?p=2835; 不過啲相link up with yahoo blog, 所以冇晒). 我一直用咗好多年, 貪佢色多, 味唔算臭, 造完啲頭髮又滑又亮.

今次試salon de pro, 係因為有次我在gym 洗手間, 見到有位太太級gym 友在染髮 (其實好多人都會在gym 自己染……方便嘛…你懂的)…..佢都係我學習目標, 因佢keep 得超好, 50尾望落似40頭. 佢話佢啲白頭髮出得好快, 1個月一定要染一次, 但就算去salon 都造唔到佢滿意的效果, 一個月都last 唔到; 反而用salon de pro 就last 到…而且冇味, 又不用自己mix, 就咁git 出嚟….用唔曬下次再用又得. 佢用的係好淺的啡色….她說, 衰就衰在香港啲色唔多齊…有時難買.

salon_01

所以去日本時, 我見藥房有7-8隻色…即買了兩枝 ~ 一枝係light brown 04, 一枝係brown 05. 因我唔係好sure 邊隻色啱我, 所以決定兩枝都買…mix 埋嚟用.

又話說, 相信日本啲色比較齊, 但色系絕不及Beauty labo 咁多….都係最common 的啡, 黑 之類. 你想帶紅, 帶紫色調的, 都欠奉.

用髮超簡單, 只要shake 幾吓, git 出嚟, 上在乾髮上 (先上髮根, 再上髮尾). 待20分鐘左右, 用shampoo 洗淨就ok.

salon_02

(sorry, 樽身有小小la jar….因為我真係用過嘛! 盡量抹乾淨架la)

好處:
 乾淨企理, 不用開壇
 真的冇味
 就算唔覺意 “hide” 到啲色落額頭, 啲色都唔會食落皮膚
 好快就可以冲乾淨. 而之後幾天洗頭都唔多甩色 (只係頭一天甩少少…之後都冇). 所以唔怕流顏色汗或瞓烏jo 個枕頭
 啲色好有效遮到白髮

唔好處:
因佢冇好似beauty labo 咁跟個好得嘅conditioner…..我只用color lock 的洗髮產品; 所以頭髮染完, 會有小小硬…..待啲色穩定啲, 我才用treatment補補佢.

到夏天, 我會常去游水….無論泳池水或海水, 都對頭髮啲顏色有損害; 所以我更唔會花錢去salon 造顏色. 另外, 本季興比較深色的髮色….所以自己造都得la.

Linola Shampoo (含有珍貴的亞油酸)

睇怕你們就算未用過, 都會在電視廣告中聽過這德國的品牌, 一隻連濕疹都用得的護膚品牌. 當皮膚出現敏感症狀, 好多時係因為皮膚表面的天然屏障因乾燥或炎症而失去功效. 而LINOLA 的亞油酸, 就正正可以修護這天然的屏障, 令角質細包回復緊密, 所以皮膚裡面的養份和水份才能回到正常水平. 另外亞油酸亦具輕微的消炎功效, 所以能更有效地去舒緩皮膚的不適.

IMG_5519

但這回, 我想介紹的, 是他們的SHAMPOO ~ 一隻可以比敏感頭皮用, 性質溫和, 可以清潔頭皮和頭髮, 仲可以治療因乾燥或皮膚敏感而引起的皮屑問題. 一般去頭皮的細頭水, 都比較乾; 有時洗完頭, 頭皮仲會覺得乾乾癢癢 ~ 但LINOLA SHAMPOO 就不會, 洗完覺得頭髮和頭皮都好爽的, 這可能是添加了亞油酸的好處吧.

 

另外, 它亦不含染料, 防腐劑, 矽樹脂, 香料和礦物油, 所以不用擔心會BLOCK 住毛囊.

 

最近造了件蠢事:

有隻我用開的洗頭水 (其實, 同skincare 一樣, 我會按需要, 用不同品牌的產品; 這輪, 我用KMS ~ 之前有介紹過; on n off 都用咗好幾年架la, 一直都幾好)…..但近來發覺, 洗完頭啲髮根都係笠笠的…..頭皮仲有少少痕 (但我都用咗好多枝這品牌的出品, 佢都係標榜冇矽的…..冇可能會咁).

 

我後來才發現枝shampoo 用極都係大大枝, 但稀咗好多 ~ 原來係個pump 位置, 當我冲涼時會入水 (以前買開細啲size, git 出嚟的, 並沒有這問題. 但family size pump裝就出事); 所以用咗咁耐 “變質”的shampoo, 點會唔出事.

 

之後, 我用別的shampoo 洗頭, 頭髮爽番, 但頭皮都係痕. 直到轉用LINOLA, 洗咗1次, 頭皮痕癢已明顯減少. 用第二次已搞掂晒. 所以值得介紹吓.

 

Rene Furterer – ASTERA 紓緩系列

我覺得, 一年4季, 夏天對頭髮的冲擊可算是最大. 強勁的uv 和熱力; 加上水上活動, 無論海水或泳池水, 都會令頭髮和頭皮變得很脆弱. 其實很多人會忽略了頭皮護理, 一心追求頭髮順滑亮澤就好. 但頭皮就是一塊農地, 頭髮則好比農作物. 所以如要頭髮亮麗, 就要由頭皮護理講起.

 

其實在夏天, 我跟好多朋友一樣, 偶爾會有頭痕的狀況. 明明天天都洗頭洗得好乾淨, 但局部位置都會癢癢的. 我覺得有時是外來的刺激加上頭油分泌比較旺盛所至.

 

OLYMPUS DIGITAL CAMERA
TaSTyling.com

Left: ASTERA SOOTHING SHAMPOO ~ FRESH

Middle: ASTERA SOOTHING SERUM ~ FRESH

Right: ASTERA SOOTHING FRESHNESS FLUID ~ FRESH

 

Rene Furterer – ASTERA 紓緩系列正正就是為敏感頭皮而設. 它分針對過敏性 (即只是偶發性敏感, 可用 ASTERA SOOTHING SHAMPOO ~ FRESH; 而這產品很溫和, 小朋友都可以用)及敏感性頭皮 (即長期都有敏感問題, 可用 ASTERA HIGH TOLERANCE SHAMPOO ~ SENSATIVE). ASTERA的天然成份, 可讓頭皮得到充分的紓緩調整, 並回復活力. 當頭皮變回健康, 這才有足夠養份去孕育強韌健康的秀髮.

 

由於我的敏感只是偶發性, 所以我選用了ASTERA SOOTHING SHAMPOO ~ FRESH. 主要的感覺是很清爽, 洗完會覺得髮根位特別 “乾淨” (但不要誤會, 它不是deep cleansing 的產品. 而相對deep cleansing 的產品, ASTERA 冇咁乾. 但ASTERA 又冇moisture 系統的產品咁潤). 而且香味很淡, 清清的; 用了幾天, 頭皮就不痕了. 而當我頭皮回復正常, 掉頭髮的狀況亦改善了.

 

另外, ASTERA 還有兩件很有趣的產品:

 

ASTERA SOOTHING SERUM ~ FRESH

這SERUM, 你可以洗完頭搽又得; 日間覺得頭皮悶熱時, 搽又得. 它質地很輕型, 水份很夠, 所以它不會弄到你的髮根又濕又塌. 而且即時會有一陣很涼快的感覺. 而用了, 覺得頭油分泌都少啲 (即可以維持更長時間的乾爽感覺);

 

如有頭痕現象, 這SERUM 都可以為你帶來即時的舒緩作用.

 

 

ASTERA SOOTHING FRESHNESS FLUID ~ FRESH

這隻產品係洗頭前, 先MASSAGE 在頭皮上; 待15分鐘, 讓SERUM 滲透入毛囊, 才再用SHAMPOO 清洗.

 

ASTERA SOOTHING FRESHNESS FLUID ~ FRESH有很好的滲透力, 比SHAMPOO 強很多. 所以, 不需要天天用, 一星期用2-3次就好.

 

以前都有用過在SHAMPOO 前使用的髮油 OR treatment mask, 其實都有啲抗拒(最主要係唔喜歡嗰種感覺 ~ 因已好主觀覺得未清洗的頭髮點都又髒又笠, 仲要噏啲油上去, 感覺係笠上加笠).  好在, ASTERA SOOTHING FRESHNESS FLUID ~ FRESH感覺又水又輕, 你基本上只覺得頭皮涼涼的, 唔會有又濕又噏的感覺; 外觀又唔會變成 “頭油怪”. 後來, 我直情係上yoga 堂前, 先搽佢; 上完堂就洗頭……..慳時間得很.

 

用咗幾次, 頭皮明顯變得好清爽. 脫髮都少了.

 

 

後話:

我有啲朋友造完color, 頭皮變得好敏感, 整天痕到跳舞, 問我可唔可以即時用ASTERA?

 

始終ASTERA 唔係鎖色產品, 所以, 如果你頂得順啲痕癢, 你就先忍一個星期, 用咗鎖色產品先, 之後才開始用ASTERA.

 

如唔多忍到, 就可以用ASTERA SOOTHING SERUM ~ FRESH. 先舒緩吓頭皮. 由於佢的滲透力冇ASTERA SOOTHING FRESHNESS FLUID ~ FRESH咁勁, 亦只係搽在頭皮位, 相對新造顏色的侵害會少啲.

 

如忍一天都想死, 就括出去, 唔好理啲色會點, 用曬成條LINE的 ASTERA, 搶救頭皮先LA.

 

 

YOTA natural hair color

這個夏天, 我決心造女飛 (or 肥) 魚….一星期起碼游佢3-4天 (這才可以令會費 “回本”); 亦因為親子樂 (陪吓父王一齊游), 亦亦因為游水有效舒緩我造運動後, 好tight 的肌肉….總之, 多個原因推動下, 我自5月頭已游個不停.

 

雖然上次造color 已是2月的事….我出咗起碼兩吋頭髮, 理應去補染 (在此再要讚多次1st ave 的顏色….無論我游水+被太陽晒, 佢啲色甩極都唔會變金毛); 但我不同錢作對的, 明知游水密, 啲色甩得快….所以, 我都係自己造吓色算.

 

因為1st ave 的stylist 告訴我, 如要在salon 造色達到最好的效果, 最好就唔好在家自染. 頂多造吓hana 之類, 就好. 因自己造得多chemical,  會影響到salon 的chemical. 因我打算年尾結婚前先去染, 所以, 這段期間, 我只會自己造吓hana 色 ~ 最主要係等條色差造成的分界位冇咁明顯就ok.

 

之前都有介紹過quis quis 同泰國旅行時買的hana 膏….這次就試吓yota….朋友話ok 的, 色唔太紅, 但遮到白髮. 當時見到yota在教協造promotion, 所以買咗兩盒酒紅色 (好似 是而 $8x 一盒).

yota_01

 

開出嚟, 仲以為係咖哩粉…要用溫水開到糊狀. 但開好都係深啡色, 我一度懷疑佢哋 “入錯盒”. 我奉勸大家, 一定要帶手套 + 在髮線附近搽啲cream, 免啲色食落皮膚.

__ (2)

先用shampoo 洗頭 (你可以用佢哋enclosed 咗的shampoo); 用自家的shampoo就要用油份少的, 亦不可以用conditioner, 否則影響上色). 我 “都知”, 要分section 上色, 髮頂新出的頭髮上多小小….但上上吓, 啲頭髮真係打晒kik (因冇用conditioner)….跟手, 我就好la jar 咁一pat pat 達上去算.

 

跟住, 我就帶住膠浴帽 “噏”佢1.5小時 (佢話時間長啲, 上色更好). 冲嗰時, 又不可以太耐, 不要過5分鐘. 但啲色真係好勁….冲足5分鐘, 啲水都係咖哩色….連對手都黃埋. 同埋啲頭髮打kik 得好勁, 要落番啲color lock 的conditioner 先順番.

 

但吹乾頭, 啲頭髮雖然偏黑, 但都見到隱約的酒紅色. 另外, 啲白髮 + 之前新出頭髮vs舊色的分界位, 都遮得很不錯. 不過, 就算冲完頭, 都會問到小小藥草味 (結果要洗咗2-3次頭 (一日洗一次, 即係要2-3天後), 先冇咗啲味) …對我來說, 唔係難聞的 ~ 但當然冇味, 就更好.

BEFORE ~ *右下張圖可以見到清晰的新舊色分界位

__ 1

AFTER ~ 即晚用IPHONE 影__ 2

AFTER ~ 洗了幾天, 用大機影

yota_02

 

以遮白髮和邊界位, 佢比我以前用的強好多! 簡值拍得上用chemical 染髮劑咁強.

 

但yota 就比較麻煩 ~ 之後, 我要洗手 (要用磨沙先洗得乾淨)….同埋要狠狠咁洗番乾凈個浴缸. 另外, 佢冇令頭髮特別滋潤 (quis quis + 泰國hana 就幾潤的)

 

仲有, 就係, 洗咗幾天頭, 啲水都會係咖哩色的…….好在, 啲色如抹咗落毛巾, 一洗就甩.

 

佢可以選的color 不多, 就算係酒紅 ~ 顏色係小小紅, 多多黑的. 但啲色真係直逼帶chemical 的染髮劑咁強, 係遮到新舊髮色的邊界位. 你唔怕煩, 就值得一試.

KLORANE燕麥奶順滑免沖水洗髮噴霧-褐色版

在這又熱又潮濕的天氣, 面會出油, 頭皮都會出油….成個人包括頭髮, 都係又笠又油. 雖然, 一般女仔都會有每天洗頭的習慣, 但對於油性頭髮 (但這天氣, 中性頭髮都會出事), 好可能放工後, 個頭已又油又塌. 另一個問題, 就係我工作上常會遇見的: 梳齊蔭的客人, 好多時, 到MID DAY, 啲蔭已又油又塌 + 自動分界; 另一個問題就係, 用了造型產品 + 頭油, 又係未到晚宴已成個頭笠晒.

雖然洗個頭就可以解決, 但由於時間關係, 以上問題發生時, 都唔可以有時間去洗頭, 所以, 我都會用免冲免沖水洗髮噴霧去解決問題.

免沖水洗髮噴霧用法好簡單, 只要噴在髮根, 等一陣 (我會輕輕 “揚”吓啲頭髮, 等啲粉末可以平均散在髮根去吸吓啲油), 之後, 用梳 (我喜歡用髮擦), 梳走啲粉末就得. 用乾毛巾抹走都得….但我覺得用髮擦效果最好, 因為可以同時擦鬆啲頭髮, 令頭髮再次動L.

其實一直都有用唔同嘅免沖水洗髮噴霧, 多數都係白色粉末的; KLORANE 這隻則係淺啡色. 起初使用時, 都會擔心, 佢會唔會改咗頭髮嘅顏色, 梳嗰時, 雙手沾到產品, 又會唔會成手到變成啡色…..其實, 都唔會; 反而我覺得, 淺啡的粉末比白色的好. 因為白色粉末如擦得唔乾淨, 會好覺眼…成個頭好似有層灰咁. 另外直得一讚的係KLORANE燕麥奶順滑免沖水洗髮噴霧的粉末造得好幼細, 同香味好淡. 唔好以為濃香就可以遮到頭油味…相反, 濃香+頭油味 = 作嘔味.

Kl_03

但這產品只係用在乾頭髮上….如果你出到成頭汗, 就要等啲頭髮乾咗先好用 ~ 佢係吸到油, 唔會吸水的.

先係我的demo (其實我啲頭髮唔算笠, 效果唔算好明顯); 只係見到before 頭髮比較塌, after 就見到啲動L (但值得一讚, 就係KLORANE的粉末造得好細, 咁CLOSE UP, 都見唔到有殘留)

Kl_01

跟住揾母后 “演出” ~ BEFORE 就見頭後面油油的同爆咗界. AFTER 就會見到爽好多同冇爆界

Kl_02