數數手指, 唔經唔覺學畫踏入第7年了.
一切仍在學習中.
難得找到好老師, 所以我會努力繼續學落去.
畢竟, 好喜歡油畫, 因顏色可以自由地調教, 色彩豐富好多
這些年, 老師都不讚成我們照相畫, 堅持要我們畫實物, 因學懂畫實物, 我們的觀察力, 掃描的功夫, 對顏色的觸角都會更好. 往往要好幾個月才可完成1幅作品. 要對住同一份東西幾個月…..每次都畫3-4小時…最啱訓練埋耐性.
我為人很固執, 只要認定這是對的, 我必會堅持
老師的畫風, 是我最喜歡的style
所以我都會堅守這種畫風
現代畫, creative 的…到目前仍未能 “吸引”到我
畫花, 係我最愛. 花的型態多變, 很美. 最怕畫瓶瓶罐罐, 因比例一錯, 係人都知道你畫衰咗
就係自己唔識死, 冇經驗, 以為啲嘢靚, 就畫……畫俄羅斯娃娃. 結果, 一畫半年…要 “雕”花已好難, 仲要畫到凸出嚟先到point…改咗2萬次, 嘔到一地血. 但老師說, 這會對我的技巧大有幫助 (希望la)
最新, 係畫花……開心晒…但每次只係畫一part, 會幾part聯合成為1幅完整的畫….怎麼合併, 我有待老師指導了.
全馬要四十幾km
半馬都要廿幾km
10km…什麼都不是….只係比我這些蛋散跑
所以我老爸說, 以我跟博士, 這兩隻蛋散, 就如阿笨與阿占去跑步
我高啲造阿笨, 博士矮啲就造阿占
但話說回來, 我向來造開運動, 爆炸力好 (因我造開強度大的cardio ex)但冇耐力的…跑5分鐘就會嘔
所以為了今天, 準備了好幾個月
可惜之前又病了一場
正直今天又係我一個月身體最差嘅日子
又凍….
但train 咗咁耐, 爛船總有3斤釘
晨早5am 就搭地鐵去維園…成車都係去跑馬拉松的…去到維園見到超多, 超多人…就如百萬行咁! 果然係盛事!
去到維園就先寄存行李
一袋袋好似垃圾袋咁放响公園
但大會安排得好好, 無論放行李 or 之後攞行李, 都好快搞掂
跟住就行去起跑點….gogogo
跟平日練習最大的不同, 實戰就係要跑點斜路…都咪話….上斜都幾係架!
基本上全程我地都係跑住去, 但當中, 有好多影相位我哋就略停一吓去影相
我最想就係在水站留影 ~
因我覺得選手在水站攞水.飲.再掉杯…這3個動作最能表達運動員的激情!
所以我哋以不同post 演譯這份激情
以為我跑得輕鬆…其實真正係跑到反眼 (睇我背後嘅叔叔跑得幾認真!)
去到最last 嘅斜位, 冲落去就係終點
所以又影, 並先聲奪人, 擺個V 先
去到終點有禮物包, 又有水果派…水果哥哥見我咁可憐, 即時比咗3隻李1條蕉比我補補佢!
好多蕉, 阿占表演豪放食蕉女. 阿笨則表演用蕉撩牙!
我哋TRAIN 嗰時, 跑10KM 大概要1小時15分….今天連跑帶玩, 就在1.5小時內………..但10KM 第一名係 30分鐘ONLY…我哋咧啲speed咪叫叫蟻速囉！
但原來跑馬拉松都幾好玩 ~ 可能氣氛好…..明年阿笨與阿占決定再去!
當朋友知到我哋開workshop, 都好熱情哋問, 幾時開張…上嚟給我哋賀一賀!
但真的沒想過有開張這回事….個竇一ready, 我哋已拿拿林搬入去…即用…唔好洩係我哋嘅宗旨!
昨天, 再約了kiki + jerry影相….即我哋 “公司”嘅2件蟻民反正都到了….咁即叫埋其他蟻民Edith, Dave + Nicole上嚟…再加埋獅子, APPLE….當係開張囉! 真可惜Nicole 病了嚟唔到.
只係我掛住給kiki 化妝…乜相都冇影….只有kiki 的相
我哋有買燒肉嚟食架…..
只有Dave 食唔到…因佢嗰份比Edith 食埋
無聊JERRY再等待時, 影了以下花絮 (包括樓景, 燒肉, 佢條女(相機), 我的錶, KIKI 的牙, 廁所, PACIFIC COFFEE, 獅子……)
就係咁….好無里頭的開張.
希望大家合作愉快!
從前, 怕給自己set 目標, 因我怕給自己壓力…achieve 唔到, 會唔開心.
但人大了…發覺, why not set a goal? 當你有目標, 你努力過, 就算失敗也好, 都上了一課嘛, 總有得著的!
近日, 我的教練Kitty忽然問我: 有冇興趣跑查打馬拉松?
吓???? 我喎…我係有造開運動, 但我唔識跑步….我爆炸力夠, 但耐力差…所以跑唔起….
心裡湧現當年中學, 每年要跑cross country 的惡夢…..包尾係當然嘅事…..lor 到嘔亦係必然的.
忽然心裡有度火….都好…挑戰吓自己都好…造些我造夢都冇想過嘅事….我接受挑戰, 我會乖乖fulfill 我的training. 可能到時, 我跑唔到10km, 但跑到5km 都好….總比怕怕, 乜都唔造好.
多 謝 博士, 二話不說的陪我training, 陪我跑…..她說, 難得有goal, 就go go go…..話唔定, 到時跑到暈咗, 嘔白泡…但嚟抬我哋走嘅救傷員哥哥靚仔ler…都係得著. (KITTY 教練就事先聲明….到時, 我哋兩件真暈又好, 假暈又好 (呃救傷哥哥抱抱)….千其唔好話佢係我哋嘅教練…….)
這個月, Kitty 給我的target 係慢跑30mins , 每星期3次…
由開始跑10min 就反眼…到家吓終於跑到30mins了. 接下來就係要每星期跑3次.
行山, 會keep 住…但會有些路段係跑上去…..
心裡暗喜…開始時, 要1.5小時才上到山頂, 到現在 45m ins 就得…..
秋天了…落山時, 天朗氣清…有好多野花……Life is GOOD!!!
夏天到…..又係冇得再逃避了…
說到減肥…我可不是最成功例子. 只係比我最肥嘅日子, 好咗好多.
近來開始跟personal trainer….學到點東西, 就跟大家分享吓
先說說我自己…我天生大隻…就算得鵬骨…都係大隻過人
仲有..我嘅嗜好就係食
越唔健康的越愛
仲要係任性…轉挑唔應食嘅時間才食 (如早上不吃 ~ 我從來都不吃早餐, 但晚上就大食…跟住食零食……)
最肥的時候, 可說是我剛到新西蘭時…眼見雪糕, 薯片…兩眼發光…..
不到半年…由12x lb 激增到16xlb
最記得係有次去買牛仔褲…有位sales (唔係寸我的), 用好關愛嘅眼神望住我講: 小姐, 你有咗就唔好買jeans 了.
在新西蘭, 人人都大隻…我不覺得有太大壓力
但回到香港…就覺得 “唔對路喎”…係時候減減佢
要肥幾磅…我1星期就達標
要我瘦1lb…就….搞極都冇乜進展
心急, 就乜都夠膽試!!!
食減肥藥…食到朋友給我封為 “神農氏” ~
係減得好快…但又頭暈, 失眠, 心跳…….老實講…我都將生命括出去…冇有怕…最怕肥, 唔怕死!!!
只係..一停藥, 話都冇咁快就打回原形.
參加各式各樣的減肥療程 ~
都得得哋, 但唔及食藥咁明顯同快…
同埋一星期要去幾次…好花時間又好貴
最後…咪又係一停就增磅
又試各式各樣的餐單
可是我太貪吃了…不到3天已投降
終於…開始造點運動
游泳 ~ 我又好快變得好橫
跑步 ~ 我又會膝頭痛
打波 ~ 我又冇partner
結果…就去咗造gym
一轉眼就造了好多年…
我個人怕悶…去GYM 不會玩跑步機的….我係要上堂嗰啲人….
我最愛就係STEP, BOXING 同跳舞
終於, 加上食得檢點啲….體重就慢慢落….但都係去到140lb 左右就停了.
造運動只係令我不會變得太肥 (因我始終係唔介口嘅日子居多), 但不會再瘦下去. 後來我的Personal Trainer (PT)告訴我…這是因為我習慣了這些運動了.
我係嗰啲秋風起, 3蛇肥…我又跟住肥的.
就係上年, 開始跟小虎行山….一星期行到2-3次
就係咁…我第一次, 在冬天冇增磅
同埋開始有點線條
人生第一次, BODY CHECK, 所有body fat 係正常level
眼見機不可失, 又機緣巧合, 我最欣賞的PT 又從回我的GYM 並可以教personal training….一堂要幾百…但點都比造body treatment 平好多….所以我就咬緊牙關…gogogo.
以我的經驗, 打boxing (要帶住glove 打target 嗰啲先係) 瘦得最快…但最辛苦. 尤其對手臂 + 腰的功效最大.
我明白世上沒有不勞而擭的….所以PT 會以打BOXING 為主, 再加啲好攞命嘅肌肉鍛鍊.
一星期, 我最多造4-5天運動…包括PT, 行山, STEP. 最少都要造3天.
如是者…就只係過了2個月到…就好多人話我瘦咗….我話…最多係firm 咗…但冇可能瘦得咁快喎….話晒, 我都係亂咁食.
最surprise 係我有day 去買衫…相熟的sales 又係咁講….我唔信, 你都係tum 我開心…..但埋單時, 佢同我講….你知唔知我比細咗1碼嘅褲你著架? 吓….係咩….哇….開心死了.
以下係我PT 給我的TIPS:
不要只係造心肺功能嘅運動…還要造埋肌肉鍛鍊.
多點肌肉, 會令你burn 到更多energy…即係食多啲都唔會肥
當然亦會令你嘅shape 更好看
要造點戶外嘅運動…行山係very good. 最啱嘅speed 係行到有啲氣喘, 但你都可以好自在咁同你嘅朋友傾偈. 如喘到講唔到嘢…你就over 了.
記住要拉吓筋, 否則好易會因肌肉過勞而受傷
要食多點蛋白質, 才有助生多點肌肉.
所以不要只係食菜就 = 對減肥好.
不要勉強自己…造不來嘅運動, 就慢慢嚟…慢慢加上去.
食嘢亦不要勉強…真係忍唔到…就食啦….(咧part 我都好認同….要食, 就食咗先…止咗個心癮, 分分鐘食少好多)
如出外食得油…真係可以食啲蟹殼素之類 (幫到小小)
當然, 你有budget, 有時間…造吓機, 揾吓PT, 又跟吓餐單就好快得, 效果持久又健康.
你唔怕死, 你揾啱食你唔死嘅減肥藥…食到瘦都得.
但冇BUDGET…就簡單如行山又得…落街急行都好OK…
只係, 你可唔可以的起心肝去造.
好多報告都話, 有ROUTINE 運動的人比冇嗰啲, 外表會年輕10年架!!!
快啲GOGOGO!!!
後話:
去得gym…敗家精少不免都要買啲靚嘅運動衫, 以作鼓勵.
唔係叫你著晒BRA TOP 去製造 “震撼”場面
如你去造啲有Instructor 嘅class, 著得緊身啲會好啲….因佢哋會易啲睇到你錯了嘅姿勢…以便修正.
我愛的品牌, 都係要dry fit 的…addidas, nike, very good
但亦可以睇吓 Top Secret ~ 佢哋時時有big sales…只係$150就有件top…買5件, 仲可以打20%off… 著得過!