Category Archives: 生活記敘

一個搶花球的化妝師

September 4, 2012tata's workshop ~ 新娘造型, 生活記敘TaTa

(with authorization fr Eliza)

我喜歡造bridal makeup 的其中一個原因, 係big day, 大家都係開開心心的. 遇上好的客人, 直情有賓至如歸的感覺….會令我覺得係出席朋友嘅wedding, 而唔係單單去造一個job.

其實如Eliza 這樣的客人, 係我出道以嚟, 第一次遇上. 佢都係少數唔駛trail 就直接落訂….但最 “驚”係, 佢當時係落咗訂, 連電話都冇留低, email 亦冇覆 ~ 我心諗 “你真係好信得過我喎!!!”

最後, 在Eliza big day 前1星期, 我才成功捉到佢嚟trail. Trail過程相當愉快 ~ 我禁不住對Eliza說, 如果個個客似你, 我會長命好多!

真的非常感謝 Eliza 的信任. Big day 那天, 一切都好順利, 我當時都冇打算出blog “記錄”過程 (所以只影了小小相check 妝用)….都係嗰句 ~ 唔好意思打搞人嘛. 但之後的一件事….令我覺得, 不寫不可 ~

(Eliza 的相, 我影得兩張, 但這小朋友的相, 我影了好多….因佢實在太乖了….見親佢都係笑咪咪的!)

因本人盛女的氣息難以抹煞, 所以到搶花球的時間時, 難免流露出 “羨慕”的眼神. 當大家討論如何報陣搶花球時, 在旁的我 “衝口而出” 大叫: 我又嚟!!! (我叫了出來, 才驚覺自己可以厚顏到咁)

難得Eliza 跟班姐妹不但沒有白眼我, 仲讓個靚位比我 ~ 當然我亦不付所托, 以猛獅彩青的威勢一take 搶到手!!!

看我笑到見牙唔見眼, 就知我幾開心! 回來跟朋友講起 ~ 大家都說: 唔係化….邊有化妝師造到你咁架!!!!

為了留下這歷史性的一刻…我第二天即帶埋花球去學畫….以油彩留下我光輝的一頁….這幅畫完成後, 我要掛在我床頭!!!

Eliza + 姐妹們, 多謝你們! 這婚禮, 會成為我生命裡不可缺的回憶.

我的畫 ~ 春.夏.秋

September 4, 2012生活記敘TaTa

我的畫畫大project, 係先畫4季的花, 練得差唔多, 就嚟一幅大畫, 將4季的花都畫晒. 耐何時間關係, 我畫好秋天, 已入春了……冬天只有留待年尾才畫la. 所以同學都笑我畫: 夏春秋…..

(春)

(夏)

(秋)

要畫好一幅畫, 我大概要用3個月. 所以要啲花維持3個月係冇可能, 我都係每次上堂前去買點新鮮的, 再將它們擺得跟之前差不多. 有時, 就將同一朵花, 轉吓角度, 就 “扮”另一朵花…一朵接一朵的畫. 但無論點, 一定畫實物……這是老師的堅持

老師堅持的係 “承傳”, 她說: 師公的師父係好傳統的意大利風寫實派, 所以著重素描的功力, 要懂得利光暗去表達立體感, 亦要懂得用色去令物件變得生動, 有層次. 就是要求嚴謹, 所以學習的路會比較艱難. 但太師公到師公, 到師父, 都係一代代的將這份堅持承傳下來….所以都希望我哋可以承傳落去.

這份堅持實在令人感動….所以我都會堅持下去. 畫畫也好, 造事也好, 造人都好, 只要認為是對的, 就算路不好走, 也得堅持, 從而, 你會成長, 有得著. 況且, 要成功, 就要按部就班, 沒有捷徑.

記得有朋友問我: 係人都知一隻柿係乜嘢樣, 你駛唔駛坐响道畫咁耐呀. 我當時答, 我當然知道柿係點樣, 但要我憑空畫出同一張畫來, 我實在辦不到. 家吓不是玩draw something, 有個 “型”就當係.

跟老師說起, 她說, 這就是好多人覺得 “寫實派”係無聊的原因……但如要你真的拿起筆來畫一幅跟我哋對實物畫的一樣, 相信冇乜人可以造得到.

正如抄相畫, 跟畫實物的, 都不一樣.

用廣告彩畫的與油彩畫的有不一樣.

就算油彩, 用學生色跟用professional 色畫出來的, 都有差別.

聽到這裡, 我會心一笑 ~ 這不是跟化妝一樣嗎

化妝不只是放顏色上面

Blend 得好跟冇blend 過啲妝已唔同

用上好的掃, 好的化妝品, 跟不知名的化妝品化出嚟嘅妝, 又不一樣

Hahaha….所以敗家有理 ~ 我買的都會是好牌子的出品!

阿笨與阿占的2012 渣打馬拉松

September 4, 2012生活記敘TaTa

自上年跑過後, 阿笨與阿占都愛上了跑10km ~ 好玩嘛, 能在平日行車的天橋上橫行, 感覺真好! 所以2012, 我哋又嚟la! 希望以後每年, 我哋兩個都可以繼續參與.

攞選手包時, 我哋的合照….入型入格! (看我幾唔抵得博士跑得快過我!)

博士亦力證佢唔係省油的燈 ~ 我造初一, 佢造十五!

我不太喜歡跑步, 但喜歡跑完出一身汗, 可以事無忌大的吃一大餐

喜歡佢可以好快令人減磅….

所以no pain no gain…明的…

為了食 + 唔好變得太肥, 我會繼續.

但10km 是我的極限…我冇諗過要挑戰半馬 or全馬; 所以, 特意在青馬大橋running 的紙板前留影 ~ 看我 “跑” 得幾輕鬆!

無恥的我亦冇諗過要一年跑得快過1年; 只求正在落閘前到終點 or 不用入救傷站被抬回來, 就算達標(目標何其低!).

今年的天氣冇上年咁凍, 舒服好多. 氣氛仍是非常好….同咁多人一齊跑, 好好玩. 跑完, 我哋仲合照一張…..博士話就算跑馬拉松, 都要show 吓我哋對shopping 的熱情 ~ (拿著跑完的吊命包當shopping bag 合照); 最後, 踎低拉根時又影 ~ 好有祖國大款嚟香港豪買的影子呢!!!

開開心心又一天!

阿苯與阿占 ~ 2011 UNICEF Charity Run

September 4, 2011生活記敘TaTa

自從試過年頭渣打馬拉松後, 我哋兩個傻人覺得好好玩, 所以年尾再嚟多個 UNICEF charity run, 又係10KM, 地點在HK DISNEY 跑. 造善事之餘, 亦係 “逼”自己造多點運動 = 可以有quota 食多啲. 我一早已將 “造運動” 同 “食”掛勾!

今年, 去完歐洲後, 病足1個月, 所以之前造的training 功虧一簣. 病好後, 要好短時間內pick up 番啲體能, 真係要莫大的意志力. 跑得慢唔緊要, 最緊要跑畢全程就得 ~ 賴皮就係我本性.

而跑得慢已成定局, 我亦冇打算build up speed. 但fashion 上, 我堅持著得靚, 一貫我唔跑得但睇得嘅信念. 可惜, 10指算盡都冇用, 因我的號碼牌 ~ 運動員的身份象徵, 係 “屎”上最lor ~ 去到UNICEF 攞選手跑….佢哋有我RECORD, 但揾唔到個包…..所以有位小妹妹, 即場用MARKER (仲要係乾乾地嗰隻) 手寫比我!!! 對向來標榜 “唔跑得, 但睇得”嘅我嚟講, 絕對係個污點.